Canti Siciliani
Cantu di caccia
(Raccolta Favara)
Mmezzu l’alivi ‘na pirnici c’è,
va pigghiala, spagnola, e torna arrè.
Cerca, spagnola, e portamilla ‘cca,
e si nun cerchi allura
luntana si ‘nni va,
luntana a la montagna si ‘nni va.
Vicinu a dda lumia ‘na quagghia c’è,
va pigghiala, spagnola, e torna arrè.
Cerca, spagnola, porta la quagghia ‘cca,
e si nun la cerchi allura
la quagghia si ‘nni va,
la quagghia sparma l’ali e si ‘nni va.